കൊവിഡ് ചികിത്സക്ക് 1.52 കോടിയുടെ ബില്ല്: പ്രവാസിയുടെ മുഴുവൻ തുകയും എഴുതി തള്ളി ആശുപത്രി

ദുബായ്: ലോകം മുഴുവൻ കൊറോണ വൈറസ് ഭീതിയിൽ കഴിയുമ്പോഴാണ് ദുബായിൽ നിന്ന് മനുഷ്യത്വത്തിന്റെ നേർസാക്ഷ്യം പുറത്തുവരുന്നത്. കൊറോണ വൈറസ് ബാധിച്ച് ചികിത്സ തേടിയ ഇന്ത്യക്കാരന്റെ ആശുപത്രി ബില്ലാണ് ആശുപത്രി അധികൃതർ എഴുതിത്തള്ളിയത്. ദുബായിൽ നിർമാണ തൊഴിലാളിയായി എത്തിയ തെലങ്കാന സ്വദേശിയായ ഒഡ്നാല രാജേഷിനെ ഏപ്രിൽ 23നാണ് ദുബായ് ഹോസ്പിറ്റലിൽ പ്രവേശിപ്പിക്കുന്നത്. കൊറോണ വൈറസ് പരിശോധനയിൽ രോഗം സ്ഥിരീകരിച്ചതോടെയാണിത്.