തുറമുഖങ്ങളുടെ പട്ടികയിൽ സൗദിയിലെ കിംഗ് അബ്ദുല്ല മികവിലേക്ക്

ജിദ്ദ > സൗദി തുറമുഖ മേഖലയുടെ വികസനത്തിൽ പ്രധാന പങ്ക് വഹിക്കുന്ന കിംഗ് അബ്ദുല്ല തുറമുഖം കൂടുതൽ മികവിലേക്ക്. കഴിഞ്ഞ വർഷം, കണ്ടെയ്നർ കൈകാര്യം ചെയ്യുന്നതിൽ 3.25% പോസിറ്റീവ് വളർച്ചാ നിരക്ക് കൈവരിക്കാൻ തുറമുഖത്തിന് കഴിഞ്ഞു. ലോകത്തിലെ ഏറ്റവും വേഗത്തിൽ വളരുന്ന തുറമുഖങ്ങളിൽ അതിന്റെ വേറിട്ട സ്ഥാനം ഉറപ്പിച്ചു. 2021-ൽ കൈകാര്യം ചെയ്ത 2,813,920 സ്റ്റാൻഡേർഡ് കണ്ടെയ്നറുകളെ അപേക്ഷിച്ച് 2,905,306 സ്റ്റാൻഡേർഡ് കണ്ടെയ്നറുകളാണ് കിംഗ് അബ്ദുല്ല പോർട്ടിൽ വർദ്ധിച്ചത്.

സമുദ്രഗതാഗത വിവരങ്ങൾ, തുറമുഖ ശേഷികൾ, കപ്പലുകളുടെ ഭാവി, വികസനം എന്നിവ വിശകലനം ചെയ്യുന്ന ലോകത്തെ മുൻനിര കമ്പനിയായ ആൽഫാലിനറിന്റെ പഠനപ്രകാരം ലോകത്തിലെ ഏറ്റവും വേഗത്തിൽ വളരുന്ന രണ്ടാമത്തെ തുറമുഖമെന്ന നിലയിൽ കഴിഞ്ഞ ഏപ്രിലിൽ കിംഗ് അബ്ദുല്ല തുറമുഖം മികച്ച വിജയം കൈവരിച്ചിരുന്നു.

പ്രവർത്തനം ആരംഭിച്ച് 9 വർഷത്തിനുള്ളിൽ 15 ദശലക്ഷം സ്റ്റാൻഡേർഡ് കണ്ടെയ്നറുകളുടെ പരിധിയിലെത്താൻ കഴിഞ്ഞ മെയ് മാസത്തിൽ തുറമുഖത്തിനായി. ബൾക്ക്, ജനറൽ കാർഗോ മേഖലകളിൽ അതിന്റെ വളർച്ച നിലനിർത്തി. തുറമുഖ വികസന കമ്പനിയുടെ ഉടമസ്ഥതയിലുള്ള കിംഗ് അബ്ദുള്ള തുറമുഖം, പൂർണമായും സ്വകാര്യമേഖലയുടെ ഉടമസ്ഥതയിലുള്ളതും വികസിപ്പിക്കുന്നതും കൈകാര്യം ചെയ്യുന്നതുമായ മേഖലയിലെ ആദ്യത്തെ തുറമുഖമാണ്. 2021-ൽ ലോകബാങ്ക് ഈ തുറമുഖത്തെ ലോകത്തിലെ ഏറ്റവും കാര്യക്ഷമമായ തുറമുഖമായി അടുത്തിടെ റാങ്ക് ചെയ്തു, കൂടാതെ പ്രവർത്തനം ആരംഭിച്ച് നാല് വർഷത്തിനുള്ളിൽ ലോകത്തിലെ ഏറ്റവും വലിയ 100 തുറമുഖങ്ങളുടെ പട്ടികയിൽ ഇത് ഉൾപ്പെടുത്തുകയും ചെയ്തു.