മസ്കത്ത് > എട്ടാമത് ഒമാനി തിയേറ്റർ ഫെസ്റ്റിവൽ സെപ്തംബർ 22ന് ആരംഭിക്കും. അൽ ഇർഫാൻ തിയേറ്ററിലെ ഒമാൻ കൺവെൻഷൻ ആൻഡ് എക്സിബിഷൻ സെൻ്ററിലാണ് ഫെസ്റ്റിവൽ. ഒമാനിലെ നാടക പ്രേമികൾക്ക് സാംസ്കാരിക വിരുന്നൊരുക്കുന്ന ഫെസ്റ്റിവലിൽ ഡോ അബ്ദുൾ കരീം ബിൻ അലി അൽ ലവതി സ്പോൺസർ ചെയ്യുന്ന ലുബാൻ ട്രൂപ്പിൻ്റെ അൽ ജദർ എന്ന നാടകമാണ് ആദ്യം അവതരിപ്പിക്കുന്നത്.
എട്ട് നാടകമാണ് ഫെസ്റ്റിവലിൽ അവതരിപ്പിക്കുന്നത്. സമാന്തര ഷോകൾ, കലാ പ്രദർശനങ്ങൾ, ബൗദ്ധിക സെമിനാറുകൾ എന്നിവ പ്രേക്ഷകർക്ക് ആസ്വദിക്കാം. തിയേറ്റർ ഫെസ്റ്റിവലിൻ്റെ ഭാഗമായുള്ള പരിപാടിയിൽ ഒമാനി നാടക പ്രസ്ഥാനത്തിലെ പ്രമുഖരെ ആദരിക്കും.
Add Comment