കുവൈറ്റ് സിറ്റി> യുഎഇ പ്രസിഡന്റ് ഷെയ്ഖ് ഖലീഫ ബിന് സായിദ് അല് നഹ്യാന്റെ വിയോഗത്തില് കേരള ആര്ട്ട് ലവേഴ്സ് അസോസിയേഷന്, കല കുവൈറ്റ് അനുശോചിച്ചു. യുഎഇയിലെ മലയാളികള് ഉള്പ്പെടെയുള്ള ഇന്ത്യന് സമൂഹത്തിന്റെ ക്ഷേമം ഉറപ്പാക്കുന്ന കാര്യത്തില് അദ്ദേഹം പുലര്ത്തിയ കരുതല് എക്കാലവും ഓര്മിക്കപ്പെടും.
പ്രളയസമയത്തുള്പ്പെടെ കേരളത്തിനായി സഹായഹസ്തം നീട്ടിയ അദ്ദേഹം എന്നും കേരളത്തിന്റെ സുഹൃത്തായി.അങ്ങേയറ്റം ദുഃഖകരമാണ് ഷെയ്ഖ് ഖലീഫ ബിന് സായിദ് അല് നഹ്യാന്റെ വിയോഗം. അദ്ദേഹത്തിന്റെ പ്രിയപ്പെട്ടവരുടെ ദുഃഖത്തില് പങ്കുചേരുന്നതായി കല കുവൈറ്റ് ആക്ടിങ് പ്രസിഡന്റ്
ശൈമേഷ് കെ , ജനറല് സെക്രട്ടറി ജെ സജി എന്നിവര് അനുശോചന സന്ദേശത്തില് പറഞ്ഞു.
Add Comment