കുവൈത്ത് സിറ്റി > കുവൈത്തിലെ വർധിച്ചുവരുന്ന നിയമലംഘനങ്ങൾ തടയാൻ ജിലീബ് ഏരിയയിൽ സുരക്ഷാ കാമ്പയിൻ ആരംഭിക്കാൻ ആഭ്യന്തര മന്ത്രാലയം പദ്ധതിയിടുന്നു. ‘ക്ലീൻ ജിലീബ്’ പദ്ധതി സജീവമാക്കാൻ ഒരുങ്ങുന്നതായും പ്രാദേശിക മാധ്യമങ്ങൾ റിപ്പോർട്ട് ചെയ്തു. ജിലീബ് മേഖലയിൽ വർധിച്ചുവരുന്ന നിയമലംഘനങ്ങൾ തടയുന്നതിൻറെ ഭാഗമായാണ് നടപടി. ആഭ്യന്തര -വാണിജ്യ-തൊഴിൽ മന്ത്രാലയങ്ങളുടെ സംയുക്ത നേതൃത്വത്തിൽ മേഖലയിൽ പരിശോധന ശക്തമാക്കുമെന്നാണ് സൂചന.
കഴിഞ്ഞ ദിവസങ്ങളിൽ നടത്തിയ സുരക്ഷ പരിശോധന ക്യാമ്പയിനിൽ ആയിരക്കണക്കിന് അനധികൃത താമസനിയമലംഘകരെ അറസ്റ്റ് ചെയ്തതതായും താമസനിയമം ലംഘിച്ചവരെ പിടികൂടിയാൽ നാടുകടത്തുമെന്നും അധികൃതർ അറിയിച്ചു.
Add Comment